Menu
RSS
രാജ്യദ്രോഹ പ്രവർത്തനങ്ങളിൽ ഏർപ്പെടുന്നവർക്ക് രക്ഷയില്ല; വിദേശവിനിമയ ചട്ടലംഘനങ്ങൾക്കെതിരെ രാജ്യവ്യാപക റെയ്ഡുകൾ പുനരാരംഭിച്ച് സിബിഐ

രാജ്യദ്രോഹ പ്രവർത്തനങ്ങളിൽ ഏർപ്പെടു…

ഡൽഹി: വിദേശവിനിമയ ചട്ടം ല...

സ്വകാര്യത മുഖ്യം; ഇന്ന് മുതൽ പ്ലേ സ്റ്റോറിൽ നിന്നും കോൾ റെക്കോർഡിംഗ് ആപ്പുകൾ പുറത്ത്

സ്വകാര്യത മുഖ്യം; ഇന്ന് മുതൽ പ്ലേ സ…

ഉപഭോക്താക്കളുടെ സ്വകാര്യത...

‘രാജ്യദ്രോഹക്കുറ്റത്തിന്റെ ചട്ടങ്ങൾ പുന:പരിശോധിക്കാം‘: കേന്ദ്ര സർക്കാരിന് അനുമതി നൽകി സുപ്രീം കോടതി

‘രാജ്യദ്രോഹക്കുറ്റത്തിന്റെ ചട്ടങ്ങൾ…

ഡൽഹി: രാജ്യദ്രോഹക്കുറ്റത്...

ഹൈക്കോടതി ചരിത്രത്തിൽ ആദ്യമായി വനിതാ ജഡ്ജിമാർ മാത്രമടങ്ങുന്ന ഫുൾ ബെഞ്ച് സിറ്റിംഗ് ഇന്ന്

ഹൈക്കോടതി ചരിത്രത്തിൽ ആദ്യമായി വനിത…

കൊച്ചി: ഹൈക്കോടതി ചരിത്രത...

വീണ്ടും വെടിനിർത്തൽ പ്രഖ്യാപിച്ച് റഷ്യ ; ഇടനാഴി തുറക്കുന്നത് രക്ഷാ പ്രവർത്തനത്തിനായി

വീണ്ടും വെടിനിർത്തൽ പ്രഖ്യാപിച്ച് റ…

മോസ്‌കോ: യുക്രെയ്‌ന് നേരെ...

അതിദാരുണം; വീടിന് തീപിടിച്ച്  പിഞ്ചുകുഞ്ഞുൾപ്പെടെ 5പേർ വെന്തു മരിച്ചു;ഒരാൾക്ക് ഗുരുതര പരിക്ക്

അതിദാരുണം; വീടിന് തീപിടിച്ച് പിഞ്ച…

വർക്കല: ചെറുന്നിയൂർ ബ്ലോക...

റഷ്യ- യുക്രൈൻ യുദ്ധ പശ്ചാത്തലത്തില്‍ പ്രധാനമന്ത്രി നരേന്ദ്ര മോദി സെലന്‍സ്കിയുമായി ഇന്ന് വീണ്ടും ചര്‍ച്ച നടത്തും

റഷ്യ- യുക്രൈൻ യുദ്ധ പശ്ചാത്തലത്തില്…

ഡൽഹി: റഷ്യ- യുക്രൈൻയുദ്ധത...

സർക്കാർ അനാസ്ഥമൂലം വികസന പദ്ധതികൾ പാതിവഴിയിൽ; സംസ്ഥാനത്ത് പാഴാകുന്നത്   ശതകോടികൾ

സർക്കാർ അനാസ്ഥമൂലം വികസന പദ്ധതികൾ പ…

തിരുവനന്തപുരം:  സാമ്പത്തി...

അതിതീവ്ര ന്യൂനമര്‍ദ്ദം; സംസ്ഥാനത്ത്‌ ഇടിമിന്നലോട് കൂടിയ മഴയ്ക്ക് സാധ്യത

അതിതീവ്ര ന്യൂനമര്‍ദ്ദം; സംസ്ഥാനത്ത്…

തിരുവനന്തപുരം: ബംഗാള്‍ ഉള...

ഇന്ത്യക്കാരെയെല്ലാം ഖര്‍കീവിൽ നിന്ന് രക്ഷപെടുത്തി; രക്ഷാദൗത്യത്തിന്റെ ശ്രദ്ധ ഇനി സുമിയിലെന്ന് കേന്ദ്ര സര്‍ക്കാര്‍

ഇന്ത്യക്കാരെയെല്ലാം ഖര്‍കീവിൽ നിന്ന…

ഡല്‍ഹി: റഷ്യ യുക്രൈൻ  യുദ...

Prev Next

ലേഖനം (6)

നെടുമുടി വേണു; സ്വാഭാവിക അഭിനയത്തിൻ്റെ ഹിമാലയശൃംഗം കീഴടക്കിയ മഹാപ്രതിഭ

വിശേഷണങ്ങൾക്കതീതനായ ഒരു മഹാപ്രതിഭ കൂടി മുഖത്തെ ചായം അഴിച്ചുവെച്ച് കഥാവശേഷനായി. കലയുടെ നൈസർഗ്ഗികതയ്ക്ക് മേൽ സർഗ്ഗശേഷിയുടെ കൊടുമുടിയായി ഉയർന്നു നിന്ന കേശവൻ നായർ വേണുഗോപാൽ എന്ന മലയാളത്തിന്റെ സ്വന്തം നെടുമുടി വേണു.
 
1948 മെയ് 22ന് ആലപ്പുഴ ജില്ലയിലെ നെടുമുടിയിൽ പി കേശവൻ നായരുടെയും കുഞ്ഞിക്കുട്ടിയമ്മയുടെയും മകനായി ജനിച്ച നെടുമുടി വേണു ഇന്ത്യൻ സിനിമാ ചരിത്രത്തിലെ ഏറ്റവും മികച്ച നടന്മാരിൽ ഒരാളായാണ് വിലയിരുത്തപ്പെടുന്നത്. മലയാളത്തിലും തമിഴിലുമായി 500-ലേറെ ചിത്രങ്ങളിൽ അഭിനയിച്ചിട്ടുള്ള അദ്ദേഹം തിരക്കഥാകൃത്തും സംവിധായകനും നാടക നടനും ഗായകനും മൃദംഗം വായനക്കാരനും കവിയുമായിരുന്നു. 
 
ആലപ്പുഴ എസ്.ഡി കോളേജിലെ പഠന കാലത്ത് സഹപാഠിയും പ്രസിദ്ധ സംവിധായകനുമായ ഫാസിൽ എഴുതിയ നാടകങ്ങളിലൂടെയാണ് നെടുമുടി അഭിനയ രംഗത്തേക്ക് കടന്നു വരുന്നത്. എസ്. ഡി കോളേജിൽ നിന്ന് ബിരുദമെടുത്തശേഷം കലാകൗമുദിയിൽ പത്രപ്രവർത്തകനായും ആലപ്പുഴയിൽ പാരലൽ കോളേജ് അദ്ധ്യാപകനായും പ്രവർത്തിച്ചു. നാടകരംഗത്ത് സജീവമായിരിക്കെയാണ് അദ്ദേഹം സിനിമയിലേക്ക് വരുന്നത്.  അരവിന്ദൻ, പത്മരാജൻ, ഭരത് ഗോപി തുടങ്ങിയവരുമായുള്ള സൗഹൃദം അദ്ദേഹത്തിന്റെ കലാജീവിതത്തിൽ വഴിത്തിരിവായി.
 
 1978ൽ അരവിന്ദൻ സംവിധാനം ചെയ്ത തമ്പ് എന്ന ചിത്രത്തിലൂടെ ആയിരുന്നു അരങ്ങേറ്റം. ഭരതന്റെ ആരവം എന്ന ചിത്രത്തിലെ വേഷം ശ്രദ്ധേയമായി. പത്മരാജന്റെ ഒരിടത്തൊരു ഫയൽവാൻ എന്ന ചിത്രം നെടുമുടിയിലെ നടനെ വെള്ളിത്തിരയിൽ ഉറപ്പിച്ചു. 
 
കാറ്റത്തെ കിളിക്കൂട്, തീർത്ഥം, ശ്രുതി, അമ്പട ഞാനേ, ഒരു കഥ; ഒരു നുണക്കഥ, സവിധം, അങ്ങനെ ഒരു അവധിക്കാലത്ത് എന്നീ ചിത്രങ്ങളുടെ തിരക്കഥ രചിച്ചു.‘പൂരം‘ എന്ന ചിത്രം സംവിധാനം ചെയ്തു.
 
മികച്ച സഹനടനുള്ള ദേശീയ പുരസ്കാരം രണ്ട് തവണ അദ്ദേഹത്തെ തേടിയെത്തി. ആറ് സംസ്ഥാന ചലച്ചിത്ര പുരസ്കാരങ്ങളും ടെലിവിഷൻ പുരസ്കാരവും നേടിയിട്ടുണ്ട്.
 
തകരയിലെ ചെല്ലപ്പനാശാരി നെടുമുടിയുടെ കരിയറിലെ അവിസ്മരണീയമായ കഥാപാത്രമായിരുന്നു. ആരവം, ഒരിടത്തൊരു ഫയല്വാൻ എന്നീ ചിത്രങ്ങളിലൂടെ അദ്ദേഹം പ്രേക്ഷകർക്കിടയിലും നിരൂപകർക്കിടയിലും ഒരേ പോലെ പ്രിയങ്കരനായി. നെടുമുടിയുടെ അപാരമായ സ്വാഭാവിക അഭിനയ പാടവത്തെ ഭംഗിയായി ചൂഷണം ചെയ്ത ചിത്രമായിരുന്നു കള്ളൻ പവിത്രൻ.
 
പ്രിയദർശന്റെ വരവറിയിച്ച പൂച്ചയ്ക്കൊരു മൂക്കുത്തിയിലും നെടുമുടി നിറഞ്ഞു നിന്നു. മലയാളിക്ക് നവീനമായ ഹാസ്യാനുഭവം പകർന്നു നൽകിയ പഞ്ചവടിപ്പാലം നെടുമുടി- ഭരത് ഗോപി എന്നീ അഭിനയകുലപതികളുടെ വിസ്മയകരമായ പകർന്നാട്ടങ്ങൾ കൊണ്ട് സമ്പന്നമായി.
 
സർവകലാശാല എന്ന ചിത്രത്തിലെ വേഷവും അപാരമായ താളബോധത്തിന്റെ നിദാനമായി. ഒരു മിന്നാമിനുങ്ങിന്റെ നുറുങ്ങുവെട്ടം എന്ന ചിത്രവും ശ്രദ്ധേയമായി. വൈശാലിയിലെ പ്രകടനം നിരൂപക പ്രശംസ ഏറെ നേടിക്കൊടുത്തു.
 
പ്രിയദർശൻ സംവിധാനം ചെയ്ത‘ചിത്രം‘ മോഹൻലാൽ- നെടുമുടി കൂട്ടുകെട്ടിന്റെ വരവറിയിച്ചു. ഇതിലെ സെമി ക്ലാസിക്കൽ ഗാനരംഗത്തിലെ മോഹൻലാലിന്റെ ലിപ് സിങ്കും നെടുമുടിയുടെ മദ്ദളം വായനയും രവീന്ദ്രൻ മാഷെ പോലും അമ്പരപ്പിച്ചു. വന്ദനം എന്ന ചിത്രത്തിൽ സൈക്കോ കില്ലറായ പ്രൊഫസർ വേഷം മികവിന്റെ പരകോടിയിൽ അദ്ദേഹം അഭിനയിച്ച് ഫലിപ്പിച്ചു.
 
ചമ്പക്കുളം തച്ചൻ, തേന്മാവിൻ കൊമ്പത്ത്, ബാലേട്ടൻ, തൻമാത്ര, ചാർലി എന്നീ ചിത്രങ്ങളിലെ കഥാപാത്രങ്ങളും പ്രേക്ഷക മനസ്സുകളിൽ നിറഞ്ഞ് നിൽക്കുന്നവയാണ്. പുറത്തിറങ്ങാനിരിക്കുന്ന മരക്കാർ: അറബിക്കടലിന്റെ സിംഹം, ആറാട്ട്, പുഴു എന്നിവയാണ് അവസാന ചിത്രങ്ങൾ.
 
കൈരളീവിലാസം ലോഡ്ജ്, ജ്വാലയായ്, അവസ്ഥാന്തരങ്ങൾ തുടങ്ങിയ കലാമൂല്യമുള്ള പരമ്പരകളിലും നെടുമുടി വേണു ഭാഗമായി. ദൂരദർശനിൽ അദ്ദേഹം അവതരിപ്പിച്ച ശാസ്ത്ര പരിപാടിയും പ്രേക്ഷകപ്രിയമായിരുന്നു.
 
കാവാലം നാരായണ പണിക്കരുടെ പ്രിയശിഷ്യനായ നെടുമുടി വേണു സ്വാഭാവികമായ താളബോധത്തിന്റെ അനശ്വരനായ പ്രയോക്താവായിരുന്നു. നാടൻ പാട്ട് എന്ന കലാരൂപത്തെ ക്ലാസിക്കൽ തലത്തിൽ പരിപോഷിപ്പിച്ച് നിലനിർത്തിയ ഒരു തലമുറയിലെ ഏറ്റവും ശക്തനായ കണ്ണിയായിരുന്നു നെടുമുടി വേണു. സ്വാഭാവിക അഭിനയത്തിന്റെ ഹിമാലയശൃംഗം കീഴടക്കിയ മഹാപ്രതിഭ എന്ന മോഹൻലാലിന്റെ വിശേഷണം അക്ഷരാർത്ഥത്തിൽ യോജിക്കുന്ന മഹാനായ കലാകാരനെയാണ് മലയാളത്തിന് നെടുമുടി വേണുവിന്റെ വിയോഗത്തിലൂടെ നഷ്ടമാകുന്നത്.
Read more...

ബാങ്കുകൾ തീണ്ടാപ്പാടകലെ നിർത്തിയ പാവപ്പെട്ടവനും ബാങ്ക് അക്കൗണ്ടും ഡെബിറ്റ് കാർഡും; ക്യൂ ആർ കോഡ് സ്കാൻ ചെയ്ത് ബിൽ അടയ്ക്കുന്ന നിരക്ഷരർ; സാമ്പത്തിക സ്വയം പര്യാപ്തതയുടെ 7 മോദി വർഷങ്ങൾ

ബാങ്ക് അക്കൗണ്ട് എന്നത് പാർശ്വവത്കരിക്കപ്പെട്ടവനും പാവപ്പെട്ടവനും ആഡംബരമായി കണ്ടിരുന്ന ഒരു കാലമുണ്ടായിരുന്നു. സ്വാതന്ത്ര്യത്തിന് ശേഷവും രാജ്യത്തെ ബഹുഭൂരിപക്ഷം ജനങ്ങൾക്കും ബാങ്ക് അക്കൗണ്ടിന്റെ ഗുണഫലങ്ങൾ ലഭ്യമായിരുന്നില്ല. 2014ൽ നരേന്ദ്ര മോദി പ്രധാനമന്ത്രിയായ ശേഷം കൊണ്ടു വന്ന സുപ്രധാന പദ്ധതിയായിരുന്നു പ്രധാനമന്ത്രി ജൻ ധൻ യോജന.
 
സമൂഹത്തിലെ പാർശ്വവത്കരിക്കപ്പെട്ടവനെയും പാവപ്പെട്ടവനെയും ബാങ്കിംഗ് സംവിധാനത്തിന് കീഴിൽ കൊണ്ടു വരിക എന്നതായിരുന്നു പദ്ധതിയുടെ ലക്ഷ്യം. പദ്ധതി നടപ്പിലാക്കിയതിന് ശേഷം രാജ്യത്തിന്റെ ഓരോ മുക്കിലും മൂലയിലും ബാങ്കിംഗ് സേവനം എത്തിക്കുന്നതിനായി അസംഖ്യം നടപടികൾ കേന്ദ്ര സർക്കാർ കൈക്കൊണ്ടു.
 
2014 ഓഗസ്റ്റ് 15ലെ സ്വാതന്ത്ര്യ ദിന പ്രസംഗത്തിലായിരുന്നു പ്രധാനമന്ത്രി നരേന്ദ്ര മോദി പദ്ധതി പ്രഖ്യാപിച്ചത്.‘സ്വാതന്ത്ര്യത്തിന്റെ ഈ ആഘോഷ വേളയിൽ ഒരു പുതിയ പദ്ധതി എന്ന പ്രതിജ്ഞയുമായാണ് ഞാൻ വന്നിരിക്കുന്നത്. രാജ്യത്തെ ഏറ്റവും പാവപ്പെട്ടവനെയും ഈ പദ്ധതി അനുസരിച്ച് ബാങ്കിംഗ് സൗകര്യവുമായി ബന്ധിപ്പിക്കാൻ ഞാൻ ആഗ്രഹിക്കുന്നു. മൊബൈൽ ഫോണുകൾ ഉള്ള, എന്നാൽ ബാങ്ക് അക്കൗണ്ട് ഇല്ലാത്ത ദശലക്ഷക്കണക്കിന് കുടുംബങ്ങളുണ്ട്. നമുക്ക് ഈ അവസ്ഥയ്ക്ക് മാറ്റം വരുത്തണം. രാജ്യത്തിന്റെ സാമ്പത്തിക സ്രോതസ്സുകൾ ഇവിടത്തെ പാവപ്പെട്ടവന്റെ ഉന്നമനത്തിനായി ഉപയുക്തമാക്കണം. മാറ്റം ഇവിടെ നിന്ന് തുടങ്ങണം. ഈ പദ്ധതി വാതായനങ്ങൾ തുറന്നിടുന്നതാണ്. അതുകൊണ്ട് പ്രധാനമന്ത്രി ജൻ ധൻ യോജന പ്രകാരം ബാങ്ക് അക്കൗണ്ട് എടുക്കുന്ന എല്ലാവർക്കും ഓരോ ഡെബിറ്റ് കാർഡ് നൽകും. ഓരോ പാവപ്പെട്ട കുടുംബത്തിനും ഈ ഡെബിറ്റ് കാർഡിനൊപ്പം ഒരു ലക്ഷം രൂപയുടെ ഇൻഷുറൻസ് കൂടി ലഭ്യമാക്കും.‘ ഇതായിരുന്നു പ്രധാനമന്ത്രിയുടെ വാക്കുകൾ.
 
മൂന്ന് ദിവസങ്ങൾക്ക് മുൻപ്, 2021 ഓഗസ്റ്റ് 28ന് പദ്ധതി ഏഴ് വർഷം പൂർത്തിയാക്കുകയാണ്. പ്രധാനമന്ത്രി ജൻ ധൻ യോജനയുടെ വെബ്സൈറ്റ് പറയുന്നത്, ഇന്ന് ഈ പദ്ധതിക്ക് 43.04 കോടി ഗുണഭോക്താക്കൾ ഉണ്ട് എന്നതാണ്. 146,230.71 കോടി രൂപ പദ്ധതി പ്രകാരം ഈ അക്കൗണ്ടുകളിൽ ഉണ്ട്. 
 
പദ്ധതി പ്രകാരം ആരംഭിച്ച 86.3 ശതമാനം അക്കൗണ്ടുകളും ഇന്ന് സജീവമാണ്. ഓഗസ്റ്റ് 2015 മുതൽ ഓഗസ്റ്റ് 2020 വരെയുള്ള കാലയളവിൽ അക്കൗണ്ടുകളുടെ എണ്ണത്തിൽ 2.3 ശതമാനത്തിന്റെയും അക്കൗണ്ടുകളിൽ നിക്ഷേപിക്കപ്പെട്ട തുകയുടെ കാര്യത്തിൽ 5.7 ശതമാനത്തിന്റെയും വർദ്ധനവുണ്ടായി. ജൻ ധൻ പദ്ധതി പ്രകാരമുള്ള ഓരോ അക്കൗണ്ടിലും ഇന്ന് ശരാശരി 3,239 രൂപ വീതമുണ്ട്. 2015നെ അപേക്ഷിച്ച് ഇത് 2.5 ശതമാനം കൂടുതലാണ്.
 
മിനിമം ബാലൻസ് വേണ്ട എന്നതാണ് ഈ പദ്ധതിയുടെ പ്രത്യേകത. അതായത് അക്കൗണ്ട് ഉടമ ബാങ്കിൽ നിശ്ചിത തുക നിലനിർത്തണം എന്നില്ല. ഇപ്രകാരം അവർ ബാങ്കിംഗ് സേവനവുമായി നിരന്തരം ബന്ധപ്പെടുന്നു എന്നതാണ് ഇതിന്റെ സവിശേഷത. പണേതര ബാങ്കിംഗ് സംവിധാനം പ്രചരിപ്പിക്കുന്നതിനായി പദ്ധതി പ്രകാരം 31 കോടി റുപേ കാർഡുകൾ വിതരണം ചെയ്തു. പദ്ധതിയുടെ ഒന്നാം വാർഷികത്തിൽ പ്രധാനമന്ത്രി പറഞ്ഞത് ഈ പദ്ധതി പ്രകാരമുള്ള അക്കൗണ്ടുകളിൽ 22,000 കോടിയുടെ നിക്ഷേപം നടന്നു എന്നാണ്.
 
സ്ത്രീശാക്തീകരണ രംഗത്തെ വൻ ചുവടു വയ്പായിരുന്നു ജൻ ധൻ യോജന. വനിതാ ലോക ബാങ്കിന്റെയും ബാങ്ക് ഓഫ് ബറോഡയുടെയും റിപ്പോർട്ട് പ്രകാരം 55 ശതമാനം, അതായത് 43.04 കോടിയിൽ 23.76 കോടി അക്കൗണ്ടുകളുടെയും ഉടമസ്ഥർ സ്ത്രീകളാണ്. സമൂഹത്തിലെ താഴ്ന്ന വരുമാനക്കാരെ ബാങ്കുകളിൽ നിന്നും അകറ്റി നിർത്തിയിരുന്ന പ്രധാനപ്പെട്ട കാരണം ഇവരിൽ ഭൂരിഭാഗത്തിന്റെയും അപകർഷതാ ബോധമായിരുന്നു. എന്നാൽ ജൻ ധൻ അക്കൗണ്ട് ആരംഭിക്കാനുള്ള കടലാസ് ഇടപാടുകൾ ലളിതമാണെന്ന് മാത്രമല്ല, അക്കൗണ്ട് തുടങ്ങാൻ ജനങ്ങളെ സഹായിക്കുന്നതിന് വേണ്ടി ഹെല്പ് ഡെസ്കുകളും ആരംഭിച്ചിട്ടുണ്ട്.  പുരുഷന്മാരുടെ അക്കൗണ്ടുകളെ അപേക്ഷിച്ച് സ്ത്രീകളുടെ ജൻ ധൻ അക്കൗണ്ടുകളിൽ ശരാശരി 30 ശതമാനം അധികം പണം നിലനിൽക്കുന്നു എന്നതാണ് കണക്ക്.
 
കഴിഞ്ഞ ഓഗസ്റ്റ് 12ന് ആത്മനിർഭർ നാരീശക്തി പദ്ധതിയുടെ ഗുണഭോക്താക്കളായ സ്ത്രീകളെ അഭിസംബോധന ചെയ്യവെ പ്രധാനമന്ത്രി ചില കണക്കുകൾ മുന്നോട്ട് വെച്ചു.‘2014ൽ ബിജെപി സർക്കാർ അധികാരത്തിൽ വരുന്ന സമയത്ത് രാജ്യത്തെ കോടിക്കണക്കിന് സ്ത്രീകൾക്ക് ബാങ്ക് അക്കൗണ്ട് ഉണ്ടായിരുന്നില്ല. എന്നാൽ ഇന്ന് ജൻ ധൻ പദ്ധതി പ്രകാരം 42 കോടി ഭാരതീയർക്ക്  ബാങ്ക് അക്കൗണ്ട് ഉണ്ട്. ഇതിൽ 55 ശതമാനം അക്കൗണ്ടുകളുടെയും ഉടമസ്ഥർ നമ്മുടെ അമ്മമാരും സഹോദരിമാരുമാണ്. ഈ അക്കൗണ്ടുകളിൽ ആയിരക്കണക്കിന് കോടി രൂപ നിക്ഷേപിക്കപ്പെട്ടിട്ടുണ്ട്. തങ്ങളുടെ ചെറു സമ്പാദ്യങ്ങൾ അടുക്കളയിലെ കുഞ്ഞു പെട്ടികളിൽ സൂക്ഷിക്കുന്നതിന് പകരം അവർ ഈ തുകകൾ ബാങ്ക് അക്കൗണ്ടുകളിൽ സൂക്ഷിക്കുന്നു.‘ പ്രധാനമന്ത്രി പറഞ്ഞു.
 
പ്രധാനമന്ത്രി ഗരീബ് കല്യാൺ യോജന പ്രകാരം മൂന്ന് മാസത്തേക്ക് ജൻ ധൻ അക്കൗണ്ട് ഉടമകളായ സ്ത്രീകൾക്ക് 500 രൂപ വീതം നൽകി. ഇരുപത് കോടി സ്ത്രീകൾക്ക് പദ്ധതിയുടെ പ്രയോജനം ലഭിച്ചു.
 
കേന്ദ്ര സർക്കാരിന്റെ കണക്ക് പ്രകാരം അഴിമതി തടയുന്നതിലും ജൻ ധൻ യോജന നിർണായകമായ പങ്ക് വഹിച്ചു. വിവിധ ക്ഷേമപദ്ധതികൾ പ്രകാരമുള്ള പണം ഈ അക്കൗണ്ടുകൾ വഴി ജനങ്ങളിലേക്ക് നേരിട്ട് എത്താൻ തുടങ്ങിയതോടെ ഇടനിലക്കാരുടെ ചൂഷണം അവസാനിച്ചു. പ്രധാനമന്ത്രി ജീവൻ ജ്യോതി ബീമാ യോജന, അടൽ പെൻഷൻ യോജന, മുദ്രാ യോജന, സ്റ്റാൻഡ് അപ്പ് ഇന്ത്യ തുടങ്ങിയ പദ്ധതികൾ പ്രകാരമുള്ള പണം സർക്കാർ നേരിട്ട് ഈ അക്കൗണ്ടുകളിൽ എത്തിക്കുന്നു. പ്രധാനമന്ത്രി ജൻ ധൻ യോജന നിലവിൽ വന്ന ശേഷം വിവിധ ഇൻഷുറൻസ് പദ്ധതികളുടെ ഭാഗമാകുന്ന ജനങ്ങളുടെ എണ്ണത്തിലും വർദ്ധനവുണ്ടായി. 
 
പദ്ധതി പ്രകാരം കൂടുതൽ നേട്ടങ്ങൾ ജനങ്ങൾക്ക് ഇനിയും ലഭിക്കാൻ സർക്കാർ ശ്രമങ്ങൾ ആരംഭിച്ചിട്ടുണ്ട്. ആക്സിഡന്റ് ഇൻഷുറൻസ് കവറേജ് ഒന്നിൽ നിന്ന് രണ്ട് ലക്ഷമാക്കാൻ തീരുമാനിച്ചു. ഇത്തരം അക്കൗണ്ടുകളിലെ ഓവർ ഡ്രാഫ്റ്റ് പരിധി അയ്യായിരം രൂപയിൽ നിന്നും പതിനായിരമായി ഉയർത്തി. പ്രായപരിധി 60 വയസ്സിൽ നിന്നും 65 ആയി ഉയർത്തി. പദ്ധതി കൂടുതൽ ജനങ്ങളിലേക്ക് എത്തിക്കുന്നതിനായി‘ഒരു വീട്ടിൽ ഒരു ബാങ്ക് അക്കൗണ്ട്‘ എന്ന ലക്ഷ്യം‘ഒരു വ്യക്തിക്ക് ഒരു ബാങ്ക് അക്കൗണ്ട്‘ എന്നാക്കി പരിഷ്കരിച്ചു.
Read more...

2022 ഉത്തർ പ്രദേശ് തെരഞ്ഞെടുപ്പ്; ലോക്സഭാ തെരഞ്ഞെടുപ്പിന്റെ കർട്ടൻ റെയ്സറിൽ കോൺഗ്രസിന്റെ ഭാവി എന്താകും?

തുടർച്ചയായ മൂന്ന് അസംബ്ലി തെരഞ്ഞെടുപ്പുകൾ പരാജയപ്പെട്ട ഒരു സംസ്ഥാനങ്ങളിലും പിന്നീട് കോൺഗ്രസ് അധികാരത്തിൽ വന്നിട്ടില്ല എന്നതാണ് ചരിത്രം. ഒരു കാലത്ത് രാഷ്ട്രീയ പ്രതിയോഗികൾ ഇല്ലാതിരുന്ന കോൺഗ്രസ് ഇന്ന് പ്രാദേശിക തെരഞ്ഞെടുപ്പുകളിൽ പോലും തകർന്നടിയുന്ന ചിത്രമാണ് രാജ്യത്ത് പൊതുവിൽ കാണാനാകുന്നത്. 15 വർഷങ്ങൾക്ക് ശേഷം കോൺഗ്രസ് അധികാരത്തിൽ തിരിച്ചു വന്ന ഒരേയൊരു അസംബ്ലി തെരഞ്ഞെടുപ്പായിരുന്നു 2018ലെ മധ്യപ്രദേശ് തെരഞ്ഞെടുപ്പ്. എന്നാൽ ഇന്ന് അവിടെയും പാർട്ടിക്ക് ഭരണമില്ല.
 
പാർട്ടി നിലംപരിശായിരിക്കുന്ന ഉത്തർ പ്രദേശിൽ കോൺഗ്രസിനെ, വിശിഷ്യ നെഹ്രു- ഗാന്ധി കുടുംബത്തെ ചിന്താക്കുഴപ്പത്തിലാക്കുന്നതും പാർട്ടിയുടെ ഈ ചരിത്രമാണ്. 2024 ലോക്സഭാ തെരഞ്ഞെടുപ്പിലും കോൺഗ്രസ് പരാജയപ്പെട്ടാൽ അത് രാജ്യത്ത് പാർട്ടിയുടെ ചരമക്കുറിപ്പാകും എന്നാണ് പൊതുവിലെ വിലയിരുത്തൽ. മാത്രമല്ല 2024ലും ബിജെപി അധികാരം നിലനിർത്തിയാൽ കോൺഗ്രസ് അംഗങ്ങൾ കൂട്ടത്തോടെ ബിജെപിയിൽ ചേരുന്ന സ്ഥിതിവിശേഷമാകും സംജാതമാകാൻ പോകുന്നത്. ഇത് കോൺഗ്രസ് എന്ന വലിയ പാരമ്പര്യം പേറുന്ന പാർട്ടിയുടെ അനിവാര്യമായ പതനമാകും എന്നാണ് കരുതപ്പെടുന്നത്. ഈ പശ്ചാത്തലത്തിലാണ് പാർട്ടിക്ക് പിടിച്ചു നിൽക്കാനുള്ള അവസാന കച്ചിത്തുരുമ്പായി കോൺഗ്രസ് 2022 ഉത്തർ പ്രദേശ് തെരഞ്ഞെടുപ്പിനെ കാണുന്നത്.
 
നിലവിൽ 2024ലെ ലോക്സഭാ തെരഞ്ഞെടുപ്പ് വിജയം എന്നത് കോൺഗ്രസിന്റെ സ്വപ്നങ്ങളിൽ പോലുമില്ല. ഈ സാഹചര്യത്തിൽ പാർട്ടി നോട്ടമിടുന്നത് പ്രതിപക്ഷ ഐക്യം എന്ന മരീചികയിലേക്കാണ്. അത്തരത്തിൽ എൻഡിഎയെ അധികാരത്തിൽ നിന്ന് മാറ്റി നിർത്തിയാൽ രാജ്യത്തിന്റെ സമസ്ത മേഖലകളിലെയും നിയന്ത്രണം വീണ്ടെടുക്കാം എന്ന് പാർട്ടി കണക്ക് കൂട്ടുന്നു. അങ്ങനെ സംഭവിച്ചാൽ അടിക്കടി മാറുന്ന പ്രധാനമന്ത്രിമാരെ കൊണ്ട് ഇന്ത്യൻ ജനാധിപത്യം പൊറുതി മുട്ടും. 
 
കാർഷിക ബില്ലുകളുടെ പേരിൽ നടക്കുന്ന കോലാഹലങ്ങളെ കോൺഗ്രസ് പിന്തുണയ്ക്കുന്നതിന് പിന്നിൽ ഇടത് പക്ഷത്തിന്റെ കൈകളാണ് എന്നത് വ്യക്തമാണ്. കർഷകരുടെ പ്രശ്നങ്ങളല്ല, മറിച്ച് അധികാരം തന്നെയാണ് കോൺഗ്രസിന്റെ നോട്ടം. അല്ലെങ്കിൽ രണ്ടാം യുപിഎ സർക്കാരിന്റെ കാലത്ത് കോൺഗ്രസ് കൊണ്ടു വന്ന ബിൽ ബിജെപി നിയമമാക്കുമ്പോൾ അലോസരപ്പെടേണ്ട കാര്യമില്ലല്ലോ. കോൺഗ്രസ് പിന്തുണച്ച, മഹാത്മാ ഗാന്ധി വിഭാവനം ചെയ്ത സങ്കൽപ്പം പൗരത്വ ഭേദഗതി നിയമമായി മോദി സർക്കാർ അവതരിപ്പിക്കുമ്പോൾ അതിനെ കോൺഗ്രസ് എതിർക്കുന്നതിന് പിന്നിലും മുസ്ലീം പ്രീണനം എന്ന ഇടത് അജണ്ട തന്നെയാണ്. ദിഗ്വിജയ് സിംഗ് ഉൾപ്പെടെയുള്ള മുതിർന്ന പാർട്ടി നേതാക്കൾ വരെ അനുകൂലിക്കുന്ന രാമക്ഷേത്ര നിർമ്മാണത്തെ രാഹുലും സംഘവും എതിർക്കുന്നതിന് പിന്നിലെ ചേതോവികാരവും മറ്റൊന്നല്ല.
 
പൗരത്വ ഭേദഗതി വിഷയത്തിലും കർഷക സമരങ്ങളിലും കോൺഗ്രസിന് ലഭിക്കുന്ന മാദ്ധ്യമ ശ്രദ്ധയ്ക്ക് പിന്നിലും ഇടത് പക്ഷത്തിന്റെ സ്വാധീനം തന്നെയാണ്. ഇത്തരം വിഷയങ്ങളിൽ നിഷ്പക്ഷരുടെയും ബിജെപി അനുഭാവികളായ ചിലരുടെയും ഇടയിൽ പോലും പുനർവിചിന്തനം ഉണ്ടാക്കാൻ കോൺഗ്രസിനും സംഘത്തിനും സാധിക്കുന്നു എന്നത് നിസ്സാരമല്ല. ഇതും തെരഞ്ഞെടുപ്പിനെ സ്വാധീനിക്കുന്ന തരത്തിൽ മാറ്റിയെടുക്കാൻ കോൺഗ്രസ് ശ്രമിക്കും.
 
ഇത്തരത്തിൽ നിർണായക രാഷ്ട്രീയ സമവാക്യങ്ങൾ ഏറ്റുമുട്ടുന്ന ഭൂമികയായി 2024ലെ ലോക്സഭാ തെരഞ്ഞെടുപ്പ് മാറുമ്പോൾ അതിന്റെ ഫലം എന്ത് തന്നെയായാലും അത് കോൺഗ്രസിനെ സംബന്ധിച്ചും ബിജെപിയെ സംബന്ധിച്ചും നിർണായകമാണ്. ഇതിനുള്ള കർട്ടൻ റെയ്സർ ആയാണ് 2022 ഉത്തർ പ്രദേശ് തെരഞ്ഞെടുപ്പ് വിലയിരുത്തപ്പെടുന്നത്.
 
ഡൽഹിയുടെ രാഷ്ട്രീയ കവാടം എന്നാണ് ലഖ്നൗ വിലയിരുത്തപ്പെടുന്നത്. ഉത്തർ പ്രദേശ് തെരഞ്ഞെടുപ്പിന്റെ ഫലം 2024ലെ പൊതുതെരഞ്ഞെടുപ്പിന്റെ ദിശാസൂചിയാകും. ഇത്തരത്തിൽ നോക്കിയാൽ രാജ്യത്തെ മുഴുവൻ ജനാധിപത്യ വിശ്വാസികളും ശ്വാസമടക്കിപ്പിടിച്ച് കാത്തിരിക്കുന്ന, സ്വതന്ത്ര ഇന്ത്യയുടെ ചരിത്രത്തിലെ ഏറ്റവും പ്രാധാന്യമർഹിക്കുന്ന സംസ്ഥാന നിയമസഭാ തെരഞ്ഞെടുപ്പാകും 2022ലെ ഉത്തർ പ്രദേശ് തെരഞ്ഞെടുപ്പ്.
Read more...

മഹാമാരിക്ക് മുന്നിൽ പിടിച്ചു നിൽക്കാനാവാതെ കേരളം; ബിബിസി വേൾഡും വാൾസ്ട്രീറ്റ് ജേണലും വോഗും മൗനത്തിൽ?; ആരോഗ്യ രംഗത്തെ കേരള മോഡൽ ഉത്തരേന്ത്യൻ മാധ്യമങ്ങളിൽ ട്രോൾ മഴ തീർക്കുമ്പോൾ

കേരളം കൊവിഡിനെ അടിച്ചു പരത്തി എന്നാണ് 2020 മെയ് മാസത്തിൽ ദി ഹിന്ദു പത്രത്തിൽ വന്ന ആരോഗ്യ വാർത്തകളുടെ രത്നച്ചുരുക്കം. എന്നാൽ കഴിഞ്ഞ രണ്ട് ദിവസങ്ങളിലായി സംസ്ഥാനത്തെ പ്രതിദിന രോഗബാധ മുപ്പതിനായിരത്തിന് മുകളിലാണ്. ടെസ്റ്റ് പോസിറ്റിവിറ്റി നിരക്ക് പത്തൊമ്പതിനും പതിനെട്ടിനും ഇടയിൽ നിൽക്കുന്നു. രാജ്യത്തിന്റെ ആകെ ജനസംഖ്യയുടെ കേവലം മൂന്ന് ശതമാനം മാത്രമുള്ള സംസ്ഥാനത്ത് നിന്നുമാണ് ഈ മഹാരാജ്യത്തെ അമ്പത് ശതമാനം കൊവിഡ് കേസുകളും റിപ്പോർട്ട് ചെയ്യപ്പെടുന്നത്. 
 
പ്രതിദിന മരണങ്ങളുടെ കാര്യത്തിൽ കേരളം നമ്പർ വണ്ണായി തുടരുന്നു. രാജ്യത്തെ ആകെ ടെസ്റ്റ് പോസിറ്റിവിറ്റി നിരക്ക് 2.4 ശതമാനത്തിൽ നിൽക്കുമ്പോഴാണ് സംസ്ഥാനത്തെ ടിപിആർ 19 ശതമാനം എന്നതാണ് ഏറ്റവും ദയനീയമായ വസ്തുത. ഇതാണോ വിഖ്യാതമായ കേരള മോഡൽ എന്നാണ് ഉത്തരേന്ത്യൻ മാധ്യമങ്ങളിലെ കാർട്ടൂൺ പംക്തികൾ ചോദിക്കുന്നത്.
 
കൊവിഡുമായുള്ള യുദ്ധം അനായാസമായി വിജയിച്ച മുഖ്യമന്ത്രിമാരിൽ മുൻപനാണ് പിണറായി വിജയൻ എന്നായിരുന്നു 2020 മാർച്ച് മാസത്തിൽ മിന്റിൽ വന്ന ലേഖനം വാഴ്ത്തിയത്.എന്നാൽ, കേരളത്തിന്റെ കൊവിഡ് പോരാട്ടങ്ങൾക്ക് നേതൃത്വം വഹിച്ചു എന്ന് പാടിപ്പുകഴ്ത്തപ്പെട്ട മുൻ ആരോഗ്യമന്ത്രി കെ കെ ശൈലജക്ക് ലഭിച്ച അവാർഡുകളുടെ സാംഗത്യം ഇന്ന് ചോദ്യം ചെയ്യപ്പെടുകയാണ്. ഇന്ന് അൽജസീറയെയും ബിബിസി വേൾഡിനെയും ന്യൂയോർക്ക് ടൈംസിനെയും മഷിയിട്ട് നോക്കിയിട്ടും കേരളത്തിന്റെ ഏഴയലത്ത് കാണാനില്ല എന്നതാണ് വസ്തുത.
 
2020 മെയ് മാസത്തിൽ കേരള ആരോഗ്യ മോഡലിനെ പ്രശംസിച്ച് ദി ഹിന്ദു എഴുതിയ ലേഖനങ്ങൾ വായിച്ചാണ് ഇന്ന് താൻ മനപ്രയാസം വരുമ്പോൾ വിനോദവാനാകുന്നത് എന്നാണ് സംവാദകൻ അഭിഷേക് ബാനർജി പറയുന്നത്. എന്നാൽ തമാശയ്ക്കപ്പുറം ചിന്തിക്കാൻ വക നൽകുന്ന കാതലായ രാഷ്ട്രീയം കൊവിഡ് മലയാളിക്ക് മുന്നിൽ വെക്കുന്നുണ്ട്. കേരളത്തിൽ നിഷ്പക്ഷ മാധ്യമ പ്രവർത്തനവും ഉത്തരവാദിത്തമുള്ള പ്രതിപക്ഷവും എവിടെ എന്ന കാതലായ ചോദ്യമാണ് ആ രാഷ്ട്രീയത്തിന്റെ മർമ്മം.
 
കേരളത്തിലെ കുതിച്ചുയരുന്ന കൊവിഡ് കണക്കുകളെ ഒരു തരത്തിലും ചർച്ചയായി ഉയർത്തി കൊണ്ടു വരാൻ കോൺഗ്രസ് ശ്രമിക്കുന്നില്ല എന്നതാണ് ശ്രദ്ധേയമായ വസ്തുത. വയനാട്ടിൽ നിന്നുള്ള എം പി ആയിരുന്നിട്ട് കൂടി രാഹുൽ ഗാന്ധി ഈ വിഷയം ദേശീയ തലത്തിൽ ഉന്നയിക്കുന്നില്ല എന്നത് അപകടകരമായ രാഷ്ട്രീയ ഒത്തുതീർപ്പായാണ് വിലയിരുത്തപ്പെടുന്നത്. ഭരണതലത്തിലെ ഇത്രയും ദയനീയമായ പരാജയം എന്തു കൊണ്ട് കോൺഗ്രസ് ഏറ്റെടുക്കുന്നില്ല എന്ന ചോദ്യം ജനാധിപത്യ വിശ്വാസികളെ അമ്പരപ്പിക്കുന്നതാണ്.
 
ഇവിടെ ഭരണപക്ഷം പ്രതിപക്ഷത്തെ ചാക്കിലാക്കി എന്ന് രാഷ്ട്രീയ നിരീക്ഷകർ പറഞ്ഞാൽ അത് അതിശയോക്തിയാകില്ല. തെരഞ്ഞെടുപ്പ് സമയത്ത് പരസ്പരം ചെളി വാരിയെറിയുകയും അത് കഴിയുമ്പോൾ പരസ്പരം പൊറുത്തു കൊടുക്കുകയും ചെയ്യുന്ന നയമാണ് കോൺഗ്രസിന്റേതും കമ്മ്യൂണിസ്റ്റുകാരുടേതും എന്ന വലത് പക്ഷം ഉന്നയിക്കുന്ന വിമർശനം ഇവിടെ സംഗതമാണ്. കേരളത്തിന് പുറത്ത്‘ഇവർ തമ്മിലുള്ള അന്തർധാര സജീവമാണ്‘ എന്നാണ് സാമൂഹിക മാധ്യമങ്ങളിലെ ട്രോളുകൾ സൂചിപ്പിക്കുന്നത്.
 
രാജ്യത്തെ നമ്പർ വൺ അല്ലാത്ത ചാണക സംസ്ഥാനങ്ങൾ എന്ന് പോരാളി ഷാജി മുതൽ സംസ്ഥാനത്തെ ആസ്ഥാന ബുദ്ധിജീവികൾ വരെ അപഹസിക്കുന്ന ബിഹാറും ഉത്തർ പ്രദേശുമൊക്കെ കേരളത്തിന്റെ ഇന്നത്തെ അവസ്ഥയുമായി താരതമ്യം ചെയ്യുമ്പോൾ കൊവിഡിനെ തുരത്തുന്ന കാര്യത്തിൽ സ്വപ്നസമാനമായ നേട്ടം കൈവരിച്ചിരിക്കുകയാണ്. കുംഭമേളയും കന്വാർ യാത്രയും നിർത്തിവെപ്പിക്കാൻ പേനയുന്തിയ മാധ്യമ സിംഹങ്ങളും ഇന്ന്‘താത്വികമായ‘ മൗനത്തിലാണ്.
 
ഇതിനുമപ്പുറം ഇനി സംസ്ഥാനം അഭിമുഖീകരിക്കാൻ പോകുന്ന സാമ്പത്തിക പ്രതിസന്ധികളും പ്രവചനാതീതമാണ്. മദ്യത്തിനും ലോട്ടറിക്കും വില കൂട്ടിയും വേണ്ടി വന്നാൽ സെസ് ഏർപ്പെടുത്തിയും വിവിധ തരം ചലഞ്ചുകൾ ഏർപ്പെടുത്തിയും സംസ്ഥാനം അതിനെ മറികടക്കാൻ ശ്രമിക്കുമെന്ന് നിഷ്പക്ഷ രാഷ്ട്രീയ വിദ്യാർത്ഥികൾ പരിഹസിക്കുന്നു. രാഷ്ട്രീയ കൊലപാതകങ്ങളും നോക്കുകൂലി പോലുള്ള സംവിധാനങ്ങളും ഭയന്ന് ആരും പുതിയ വ്യവസായങ്ങൾ തുടങ്ങുന്നില്ല എന്നതാണ് വസ്തുത. നിലവിലുള്ള വ്യവസായികളും കിറ്റെക്സിന്റെ അവസ്ഥ ഓർത്ത് നടുങ്ങുമ്പോഴും‘കേരളം എങ്ങനെ കൊറോണയെ തുരത്തി?‘ എന്ന മുഖപ്രസംഗങ്ങൾക്ക് മഷി നിറയ്ക്കുകയാണ് ഇപ്പോഴും കേരള മാധ്യമങ്ങൾ.
 
Read more...

കണ്ണ് ചൂഴ്ന്നെടുത്ത ശേഷം വെടിവെച്ച് കൊല്ലുക, സ്മാർട്ട് ഫോൺ ഉപയോഗിച്ചാൽ സിം കാർഡും ബാറ്ററിയും വിഴുങ്ങിക്കുക; ക്രൂരന്മാരിൽ ക്രൂരൻ എന്ന പദവിക്ക് വേണ്ടി മത്സരിച്ച മുല്ല ദാദുള്ള മുതൽ പീർ ആഗ വരെയുള്ള താലിബാൻ ഭീകരരുടെ കഥ

അഫ്ഗാനിസ്ഥാനിൽ അമേരിക്കൻ സൈന്യം ശക്തമായി നിലനിന്നിരുന്ന 2020 നവംബർ മാസത്തിൽ അന്താരാഷ്ട്ര മാധ്യമമായ റോയിട്ടേഴ്സ് ഒരു വാർത്ത റിപ്പോർട്ട് ചെയ്തു. താലിബാന് ആധിപത്യമുണ്ടായിരുന്ന അഫ്ഗാൻ പ്രവിശ്യയിൽ നിന്നും ജോലിക്ക് പോയ ഒരു സ്ത്രീ കൊല്ലപ്പെട്ട വാർത്തയായിരുന്നു അത്. അഫ്ഗാനിസ്ഥാനിലെ ഗസ്നിയിൽ വനിതാ പൊലീസായി ജോലി നോക്കിയിരുന്ന അവർ കൊല്ലപ്പെട്ടത് പട്ടാപ്പകൽ ഭീകരരുടെ വെടിയേറ്റായിരുന്നു. മരിക്കുമ്പോൾ അവർക്ക് രണ്ട് കണ്ണുകളും ഇല്ലായിരുന്നു. കൊല്ലപ്പെടുന്നതിന് നിമിഷങ്ങൾക്ക് മുൻപ് അവ മൂർച്ചയേറിയ കത്തി ഉപയോഗിച്ച് ഭീകരർ ചൂഴ്ന്നെടുത്തിരുന്നു. ശേഷം അവരെ വെടിവെച്ച് കൊല്ലുകയായിരുന്നു. 33 വയസ്സുകാരിയായ ഖതേര എന്ന ആ പൊലീസുകാരി കണ്ട അവസാന കാഴ്ച തന്റെ കൃഷ്ണമണി ലക്ഷ്യമാക്കി വരുന്ന മൂർച്ചയേറിയ കത്തിമുനയായിരുന്നു. അനുഭവിച്ച അവസാന സ്പർശം ഇടനെഞ്ച് തുളച്ചു കയറുന്ന വെടിയുണ്ടയുടെ ഘനമായിരുന്നു. അവർ ചെയ്ത കുറ്റം, തീവ്ര ഇസ്ലാമിക നിയമം ലംഘിച്ച് കുടുംബം പുലർത്താൻ ജോലിക്ക് പോയി എന്നതായിരുന്നു.
 
അന്ന് കേവലം നാല് പ്രവിശ്യകളിൽ മാത്രമാണ് താലിബാന് സ്വാധീനമുണ്ടായിരുന്നത്. എന്നാൽ ഇന്ന് അഫ്ഗാനിസ്ഥാനിലെ തന്ത്രപ്രധാന കേന്ദ്രങ്ങളായ ജലാലാബാദും കബൂളും ഉൾപ്പെടെ മുപ്പത്തിനാല് പ്രവിശ്യകളും വാഴുന്നത് താലിബാൻ എന്ന കൊടും ക്രൂരന്മാരുടെ സംഘമാണ്. സൂപ്പർ ഹിറ്റ് ചിത്രമായ ബാഹുബലിയിലെ കാലകേയന്മാരുടെ പരിഷ്കൃത രൂപം എന്ന് വേണമെങ്കിൽ പറയാവുന്ന തരത്തിലുള്ള കൊടും ക്രൂരതകളാണ് ഇവർ എതിരാളികൾക്ക് മേൽ പരീക്ഷിക്കുന്നത്. 
 
അഫ്ഗാനിസ്ഥാനിൽ താലിബാന്റെ മടങ്ങി വരവിന്റെ സാദ്ധ്യതകൾ സജീവമല്ലാതിരുന്ന കഴിഞ്ഞ മെയ് മാസത്തിൽ കമാലുദ്ദീൻ എന്ന ഒരു കാണ്ഡഹാർ സ്വദേശിയോട് വാൾ സ്ട്രീറ്റ് ജേണലിലെ മാധ്യമ പ്രവർത്തകൻ സംസാരിക്കുകയുണ്ടായി. അദ്ദേഹത്തിന്റെ അനുഭവം അവർ രേഖപ്പെടുത്തിയിരുന്നത് ഇങ്ങനെയാണ്. മറ്റ് രാജ്യങ്ങളിലെയും താലിബാന്റെ പരിധിക്ക് പുറത്തുള്ള പ്രവിശ്യകളിലെയും യുവാക്കളെ പോലെ ഷേവ് ചെയ്ത താടിയും വൃത്തിയായി മിനുക്കിയ മീശയും വെച്ച് നടക്കണമെന്ന് ആഗ്രഹിച്ചാണ് യുവാവായ കമാലുദ്ദീൻ പട്ടണത്തിലെ സലൂണിൽ പോയത്. എന്നാൽ സലൂണിന്റെ പടിക്കൽ വെച്ച് ബോധോദയമുണ്ടായ അയാൾ അവിടെ കയറാതെ ഗ്രാമത്തിലേക്ക് മടങ്ങി. കാരണം തിരക്കിയ മാധ്യമ പ്രവർത്തകരോട് അയാൾ പറഞ്ഞത് തനിക്ക് തന്റെ പിതാവിനെയും സഹോദരനെയും ഓർമ്മ വന്നുവെന്നാണ്. താലിബാൻ ഭീകരരുടെ വിലക്ക് ലംഘിച്ച് സ്മാർട്ട്ഫോൺ ഉപയോഗിച്ചതിന് പിടിക്കപ്പെട്ട ഇരുവരെയും കൊണ്ട് ഭീകരർ മൊബൈൽ സിം കാർഡും ബാറ്ററിയും തീറ്റിക്കുകയായിരുന്നു. പാട്ട് കേൾക്കുക, വീഡിയോകൾ കാണുക എന്നിവ അനിസ്ലാമികമാണെന്നും അത് ചെയ്യുന്നവർക്ക് കഠിന ശിക്ഷ നൽകണമെന്നും മതഗ്രന്ഥങ്ങളെയും വ്യാഖ്യാനങ്ങളെയും മുൻ നിർത്തി സ്ഥാപിച്ചെടുക്കുകയാണ് ഇവർ ചെയ്യുന്നത്.
 
അഫ്ഗാനിസ്ഥാനിൽ താലിബാൻ അധികാരം പിടിച്ചെടുത്ത് മൂന്ന് ദിവസം പിന്നിടുമ്പോൾ ബുർഖകളുടെ വിൽപ്പനയിൽ ഉണ്ടായ അഭൂതപൂർവ്വമായ വർദ്ധനവ് വിരൽ ചൂണ്ടുന്നത് വർത്തമാനകാലത്തിലെ ഏറ്റവും ദുരിതപൂർണ്ണമായ യാഥാർത്ഥ്യങ്ങളിൽ ഒന്നിലേക്കാണ്. സ്ത്രീകൾ ഇനി അനുഭവിക്കാനിരിക്കുന്ന അസ്വാതന്ത്ര്യത്തിന്റെയും അടിച്ചമർത്തലിന്റെയും കഥകൾ പ്രവചനാതീതമായിരിക്കും.
 
രണ്ടാം താലിബാൻ ഭരണം എന്ന് ഇടത് ചിന്തകന്മാർ ഓമനപ്പേരിട്ടു കഴിഞ്ഞ ഈ സർവ്വസംഹാരിയായ സത്വം അതിന്റെ വിഷനാവ് നീട്ടുന്നത് തൊണ്ണൂറുകളിലെ പ്രാകൃത ഭരണകാലത്തിലേക്ക് തന്നെയാണ്. തമ്മിൽ ക്രൂരൻ ആരെന്ന് തെളിയിക്കാൻ പരസ്പരം മത്സരിച്ച് നരനായാട്ട് നടത്തി രസിച്ച മുല്ലാ ദാദുള്ളയുടെയും പീർ ആഗയുടെയും മുല്ല ഒമറിന്റെയും കൊടും ക്രൂരതകളുടെ കാലത്തിലേക്ക്.
 
മുല്ലാ ദാദുള്ള : ആയിരത്തി തൊള്ളായിരത്തി തൊണ്ണൂറുകളിൽ അഫ്ഗാനിസ്ഥാനിൽ താലിബാൻ വൻ ശക്തിയായി ഉയർന്നു വന്ന കാലത്ത് ഗാന്ധാരത്തിലെ ഇസ്ലാമിക മതമൗലികവാദ ശക്തികളുടെ നട്ടെല്ലായിരുന്നു മുല്ലാ ദാദുള്ള. താലിബാൻ തലവൻ മുല്ലാ ഒമറിന് സമാനമായ പദവി ഭീകരർക്കിടയിൽ ആസ്വദിച്ചിരുന്ന ഇയാൾ ഒമറുമായി ക്രൂരതയുടെ കാര്യത്തിൽ ആരോഗ്യപരമായ മത്സരത്തിൽ ഏർപ്പെട്ടിരുന്നു.
 
1980കളിൽ സോവിയറ്റ് സേനകൾക്കെതിരെ മുജാഹിദ്ദീൻ സേനയെ നയിച്ച കമാൻഡർമാരായിരുന്നു മുല്ലാ ദാദുള്ളയും മുല്ലാ ഒമറും. സോവിയറ്റ് വിരുദ്ധ ജിഹാദിൽ ദാദുള്ളക്ക് ഒരു കാലും ഒമറിന് ഒരു കണ്ണും നഷ്ടമായി. തങ്ങളുടെയോ താലിബാന്റെയോ വാക്കുകൾ ലംഘിക്കുന്നവരെ ഗ്രാമങ്ങൾ സഹിതം അഗ്നിക്കിരയാക്കുകയായിരുന്നു ദാദുള്ളയുടെ രീതി. ശത്രുക്കളുടെയും ചാരന്മാരുടെയും യുദ്ധത്തടവുകാരുടെയും തല വെട്ടുന്നതിന് പകരം അവരെ ചുട്ടുകൊല്ലുന്നതായിരുന്നു ഇയാളുടെ ഇഷ്ടശിക്ഷാ രീതി. നവജാത ശിശുക്കളെ പോലും ഇയാൾ ഇപ്രകാരം കൊലപ്പെടുത്തിയിരുന്നതായി അന്താരാഷ്ട്ര മാധ്യമങ്ങൾ രേഖപ്പെടുത്തിയിട്ടുണ്ട്.
നവജാത ശിശുക്കളെ കൊല്ലുന്നതുമായി ബന്ധപ്പെട്ട തർക്കത്തിനൊടുവിൽ മുല്ല ഒമർ ദാദുള്ളയെ 1997ൽ  ഔദ്യോഗികമായി തരം താഴ്ത്തി എന്നാണ് പറയപ്പെടുന്നത്. എന്നാൽ പിന്നീടും താലിബാന്റെ വിശ്വസ്തനായി സേവനം തുടർന്ന് ദാദുള്ള ആയിരക്കണക്കിന് ആയുധധാരികളായ ഭീകരർക്ക് ചാവേർ ബോംബാകാൻ പരിശീലനം നൽകിയിരുന്നു. 
2000ൽ അഫ്ഗാനിസ്ഥാനിലെ ബാമിയാൻ പ്രവിശ്യയിലെ ഹസാറകളെ കൂട്ടക്കൊല ചെയ്യാൻ മുല്ലാ ദാദുള്ള ഉത്തരവിട്ടു. പഷ്തൂൺ മേധാവിത്വമുള്ള താലിബാനെ ഹസാറകൾ ആവും വിധം ചെറുത്തു നിൽക്കാൻ ശ്രമിച്ചു. ദാദുള്ളയുടെ നിർദേശപ്രകാരം താലിബാൻ ഭീകരർ സാധാരണക്കാരായ, ആയുധപാണികളല്ലാത്ത ഹസാറകളെ പോലും കൊന്നൊടുക്കി. 
2001ൽ ബാമിയാനിലെ വിശ്വപ്രസിദ്ധമായ ബുദ്ധ പ്രതിമകൾ ബോംബിട്ട് തകർത്തതും മുല്ലാ ദാദുള്ളയുടെ നേതൃത്വത്തിലുള്ള താലിബാൻ ഭീകരരായിരുന്നു. അഫ്ഗാനിസ്ഥാനിലെ നൂറു കണക്കിന് ഷിയാ വിഭാഗക്കാരെയും അതേ വർഷം ഇയാൾ കൊന്നൊടുക്കി. എന്നാൽ വൈകാതെ അമേരിക്കൻ സേന താലിബാനെ പരാജയപ്പെടുത്തിയതോടെ ഒളിവിൽ പോയ മുല്ലാ ദാദുള്ളയെ 2007ൽ അമേരിക്കൻ- നാറ്റോ സഖ്യസേന വധിച്ചു.
 
പീർ ആഗാ:ക്രൂരതയുടെ കാര്യത്തിൽ മുല്ലാ ദാദുള്ളയുടെ പിൻഗാമിയായിരുന്നു പീർ ആഗാ. 2015ൽ മുല്ലാ ദാദുള്ളയുടെ കുടുംബത്തെ പീർ ആഗാ കൂട്ടക്കൊല ചെയ്തു എന്നതായിരുന്നു കണ്ണില്ലാത്ത കൊടും ക്രൂരതയ്ക്ക് കാലം അതേ നാണയത്തിൽ കാത്തു വെച്ചിരുന്ന മറുപടി. താലിബാന്റെ രഹസ്യങ്ങളുമായി കടന്നു കളഞ്ഞ ഒരു ഭീകരന് അഭയം കൊടുത്തു എന്നാരോപിച്ച് ഒരു ഗ്രാമത്തിലെ 8 വയസ്സിനും 80 വയസ്സിനും ഇടയിൽ പ്രായമുള്ള മുഴുവൻ പുരുഷന്മാരെയും ഇയാൾ എണ്ണം പറഞ്ഞ് കൊലപ്പെടുത്തി. 
താലിബാൻ വിരുദ്ധരെ ക്രൂരമായി കൊലപ്പെടുത്തിയതിന്റെ പേരിൽ മുല്ലാ മൻസൂറിന്റെ ആശീർവാദത്തോടെ 2013ൽ പീർ ആഗാ താലിബാന്റെ തലവനായി. മുല്ല ഒമറിന്റെ മരണത്തെ തുടർന്നായിരുന്നു ഇത്. 2018ൽ നേറ്റോ സേനയാണ് പീർ ആഗയെ വധിച്ചത്.
 
കൊടും ക്രൂരന്മാരായ താലിബാൻ ഭീകരരുടെ പട്ടിക ഇനിയും അനവധിയാണ്. ഈ പട്ടികയിലേക്ക് ക്രൂരതയുടെ പുതിയ പാഠങ്ങൾ എഴുതി ചേർക്കാൻ ഉത്സുകരായി കാത്തിരിക്കുകയാണ് അഫ്ഗാനിസ്ഥാനിൽ ജനാധിപത്യ സർക്കാരിനെ തകിടം മറിച്ച്, അഭിനവ ലിബറലുകളുടെ മൗനത്തിന്റെ  അകമ്പടിയോടെ താലിബാൻ 2.0.
Read more...

ആവശ്യമുള്ളവരെ മാത്രം സഹായിക്കുക

ആവശ്യമുള്ളവരെ മാത്രം സഹായിക്കുക ഒരുപാട്  ഗുണങ്ങളുള്ളവരാണ് മാർച്ച്‌ ഇരുപതിന് ജനിച്ചവർ ,മറ്റുള്ളവരോട് കരുണാർ ദ്രമായ്‌ പെരുമാരുന്നവരാണ് .

Read more...
Subscribe to this RSS feed
  1. More News
  2. Featured
  3. Cinema
  4. Sports News
ഡിഗ്രി പരീക്ഷയില്‍ ചലച്ചിത്രനടി അരുന്ധതി ഒന്നാംസ്ഥാനത്ത്‌

ഡിഗ്രി പരീക്ഷയില്‍ ച…

റാന്നി: ചലച്ചിത്രതാരവും മാതൃഭൂമി ന്യൂസിലെ അവതാരകയു...

ഫുട്‌ബോള്‍ ഇതിഹാസം ഡി സ്റ്റെഫാനോ അന്തരിച്ചു

ഫുട്‌ബോള്‍ ഇതിഹാസം …

മാഡ്രിഡ്: ഇതിഹാസ ഫുട്‌ബോള്‍ താരം അല്‍ഫ്രഡോ ഡി സ്...

ഗുരുതരരോഗങ്ങളും മരണവും കാത്തിരിക്കുന്നു; ജാഗ്രതാ മുന്നറിയിപ്പുമായി ബൈഡന്‍

ഗുരുതരരോഗങ്ങളും മരണവ…

വാഷിങ്ടണ്‍: കോവിഡിന്‍റെ ഒമിക്രോണ്‍ വകഭേദം യു.എസില്...

നാലാമത്തെ വാക്‌സിന്‍ ഡോസിന്റെ പരീക്ഷണം ആരംഭിച്ച് ഇസ്രായേല്‍; പിന്തുണ അറിയിച്ച് യുഎസ്

നാലാമത്തെ വാക്‌സിന്‍…

ടെല്‍ അവീവ്: കോവിഡ്-19 വാക്സിന്റെ നാലാമത്തെ ഡോസിന്...

മഞ്ജുവും ഞാന്നും ക്ലോസ് ഫ്രെണ്ട്സാ

മഞ്ജുവും ഞാന്നും ക്ല…

ഗുരുവായൂരപ്പനെ  കാണാൻ  കൊതിച്ചു  നട...

ഒന്നും ഒന്നും മൂന്ന്‌

ഒന്നും ഒന്നും മൂന്ന്…

അനുജൻ കുറലരസൻറെ  സംഗീതത്തിൽ  ചിമ്പു &nbs...

ആവശ്യമുള്ളവരെ മാത്രം സഹായിക്കുക

ആവശ്യമുള്ളവരെ മാത്രം…

ആവശ്യമുള്ളവരെ മാത്രം സഹായിക്കുക ഒരുപാട്  ...

ബോംബെ ഐ ഐ ടി യിൽ പി എച് ഡി

ബോംബെ ഐ ഐ ടി യിൽ പി …

ബോംബെ ഐ ഐ ടി യിൽ പി എച് ഡി  പ്രോഗ്രാമുകൾൾക്ക്...

ചരിത്രം ചലച്ചിത്രമാക്കുമ്പോൾ: മരക്കാർ അറബിക്കടലിന്റെ സിംഹം (Review)

ചരിത്രം ചലച്ചിത്രമാക…

മോഹൻലാലിനെ നായകനാക്കി പ്രിയദർശൻ സംവിധാനം ചെയ്ത‘മരക...

പട്ടിയില്ലാത്ത വീട്ടിലെ വാടകക്കാര്‍

പട്ടിയില്ലാത്ത വീട്ട…

റിട്ടയേര്‍ഡ് ഹെഡ്മാസ്റ്റര്‍ തുളസീധരന്‍ പിള്ളയുടെ വ...

ആരാണ് ഈ ഡേവിഡ് ഏബ്രഹാം?

ആരാണ് ഈ ഡേവിഡ് ഏബ്രഹ…

''വെളിപ്പെടുത്താതെ മറച്ചുവെക്കാവുന്നതോ പ്രസിദ്ധമാ...

എക്‌സ്‌മെന്‍ മാമാങ്കം

എക്‌സ്‌മെന്‍ മാമാങ്ക…

എക്‌സ്‌മെന്‍ എന്ന പേരു തന്നെ ഒരാഘോഷമാണ്. അപ്പോള്...

ശ്രീനിവാസന്‍ ബി.സി.സി.ഐ അധ്യക്ഷപദവി ഒഴിയണമെന്ന് കോടതി

ശ്രീനിവാസന്‍ ബി.സി.സ…

ന്യൂഡല്‍ഹി : ഇന്ത്യന്‍ പ്രീമിയര്‍ലീഗിലെ വാതുവെപ്പി...

സെവാഗിന്റെ സെഞ്ച്വറിയില്‍ എം.സി.സി.യ്ക്ക് ജയം

സെവാഗിന്റെ സെഞ്ച്വറി…

അബുദാബി: ഷെയ്ഖ് സായെദ് സ്‌റ്റേഡിയത്തില്‍ നടന്ന ചാമ...

അത്ലറ്റിക്കോ ഒന്നാമത്; റയലിനു തോല്‍വി

അത്ലറ്റിക്കോ ഒന്നാമത…

ബാര്‍സിലോന• ഡിയേഗോ കോസ്റ്റയുടെ ഹെഡര്‍ ഗോളില്‍ ഗ്രന...

ആനന്ദിന് യോഗ്യത

ആനന്ദിന് യോഗ്യത

മാന്‍സിസ്‌ക്: മുന്‍ ലോകചാമ്പ്യന്‍ വിശ്വനാഥന്‍ ആനന...

More News

Info for bonus Review bet365 here.

Sections

News

Local News

Tools

Follow Us

About Us